Содржина
При опсадата на Сталинград во Втората светска војна, се одвива епска приказна за рускиот снајперист Василиј, кој станува легенда. Василиј се соочува со најголемиот предизвик кога Германците праќаат свој елитен снајперист да го убие.
Во 1942 година нацистите газат сѐ пред себе низ Русија. Под водство на Хрушчов (Боб Хоскинс), граѓаните на Сталинград подготвуваат храбар отпор, предизвикан од достигнувањата на локалниот херој Василиј Зајцев (Џaд Ло). Како експерт снајперист, делата на Василиј станале легендарни – благодарејќи на пропагандата режирана од најдобриот пријател на Василиј, политичкиот комесар Данилов (Џозеф Фајнс). За да го спречат Василиј, Германците го праќаат својот најдобар снајперист, мајорот Кениг (Ед Харис), до Сталинград. Кога Василиј и Данилов се вљубуваат во прекрасната воинка Тања (Рејчел Вајс), Данилов го напушта пријателот, оставајќи го Василиј сам да се соочи со германскиот непријател. Како што гори градот, Василиј и Кениг почнуваат итра игра на мачка и глушец, водејќи лична војна за храброста, честа и својата земја.