Сојузници

Содржина

Во 1942 година, за време на Втората светска војна, канадскиот шпион Макс Ватан (Бред Пит) со падобран се спушта во француското Мароко за да се запознае со француската шпионка Мариен Босејо (Мерион Котилард) што ќе ја глуми неговата сопруга. Нивната мисија е да го убијат германскиот амбасадор во Казабланка. Тие живеат заедно неколку дена и наскоро се вљубуваат еден во друг. Кога Макс се враќа во својата база во Лондон, тој ја носи со себе и Мариен и се жени со неа. По една година, тие ја добиваат ќерката Ана за време на бомбардирањето. Еден ден, Макс е повикан на состанок во озлогласениот Петти сектор заедно со неговиот командант Френк Хеслоп, каде што еден агент од тајната служба му кажува дека се сомневаат дека Мариен е германски шпион. Макс има само 72 часа да ја докаже нејзината невиност и да си го спаси семејството пред да биде присилен да го стори незамисливото.