Златна врата

Содржина

Салваторе Манкусо е сиромашен селанец од Сицилија кој решава да ги одведе двајцата синови и старата мајка во ветената земја Америка. Заедно со нив, на прекуокеанскиот брод тргнуваат и две млади девојки, Рита и Роза, кои во Америка ги очекуваат непознати свршеници. На пристаништето Салваторе ја запознава таинствената Луси, која се претставува како Англичанка што се враќа во Америка.
Режисерот Кријалезе со филмот постигнува голем успех. На фестивалот во Венеција е награден со Сребрен лав, филмот е номиниран за Европската филмска награда во категоријата за најдобар режисер, а ја има освоено и италијанската награда Давиде, со истата важност како и Оскар во САД, во категоријата за најдобра сценографија, костимографија и најдобри визуелни ефекти.
Златна врата е раскошно режирана драма која веродостојно го отсликува доселувањето на италијанските емигранти во Америка, проткаена со поетски симболизам.