Црна крв

Содржина

Филмот раскажува приказна за еден рудар во рудник за сребро кој почнува да работи со нафта, во безмилосната потрага по богатство, за време на нафтениот бум во Јужна Калифорнија во доцниот 19-ти и раниот 20-ти век. Во филмот играат Дениел Деј Луис и Пол Дано. Обемен еп за семејството, верата, моќта и нафтата, „ЦРНА КРВ“ е поставен за време на калифорнискиот нафтен бум, на преминот помеѓу два века. Приказната го прикажува животот на извесен Даниел Плејнвју (Даниел Деј Луис), кој се трансформира себеси од обичен рудар во рудник за сребро и самохран татко на син во нафтен тајкун кој успева сам. Кога Плејнвју добива мистериозна информација дека постои еден мал град на западот, каде што океан нафта тече од земјата, тој се упатува таму со својот син Х. В. (Дилон Фризиер) за да си ја испроба својата среќа во правливиот Литл Бостон. Во овој беден мал град, каде што главната возбуда се врти околу црквата на харизматичниот проповедник Ели Сандеј (Полн Дано), Плејнвју и Х. В. ја бараат својата шанса за успех. Но, иако нафтениот бунар ги зголемува нивните богатства, ништо не останува исто кога избувнуваат конфликти и секоја човечка вредност – љубов, надеж, заедница, верба, амбиција, па дури и врската помеѓу татко и син – е уништена од корупција, измама и течењето на нафтата.