Човек-пајак 3

Содржина

Се чини дека Питер Паркер (Тоби Мегваер) конечно успева да го избалансира својот живот. Му оди добро на факултет, Њујорк го прифаќа како херој, а односот со Мери Џејн Вотсон (Кирстен Данст) му е стабилен. Питер можеби дури е подготвен да ја запроси! За жал, Хари Озборн (Џејмс Франко) сè уште го смета Човекот-пајак одговорен за прераната смрт на татко му и ја подготвува својата одмазда против него како Новиот Гоблин. И сега Човекот-пајак мора да се справи со новиот негативец познат како Песочен Човек. Кога Човекот-пајак облекува мистериозен црн костим, неговата помрачна, поодмаздољубива страна почнува да ја презема контролата врз неговиот двоен живот додека го гони убиецот на својот вујко. Трансформацијата го принудува Паркер да се соочи со неверојатен негативец: самиот себе.