Девојката од возот

СОДРЖИНА

Совршен живот не постои. А совршено злосторство? Главниот лик на овој трилер е Рејчел (Емили Блант), која секое утро патува со ист воз и поминува покрај куќата во која некогаш живеела, сеќавајќи се на животот што неповратно го загубила. Во мноштвото скриени приградски домови, нејзиниот поглед постојано се задржува на еден, во кој живее среќен брачен пар - двајца млади, убави и навидум среќно вљубени сопружници. Сепак, реалноста е далеку од таа идилична слика, а Рејчел наскоро ќе открие што се крие зад затворените врати на совршениот дом. Кога во тивката населба ќе се случи злосторство, Рејчел сфаќа дека е вклучена во него повеќе отколку што е свесна самата. Врвен и напнат трилер базиран на истоимениот бестселер на Пола Хокинс.