Најдобрите часови

СОДРЖИНА

Херојскиот акционен трилер „Најдобрите часови е неверојатна вистинита приказна за најголемото спасување во историјата на крајбрежната стража. На 18 февруари 1952 година една огромна бура ја удрила Нова Англија и градовите по источното крајбрежје, оштетувајќи ги бродовите што се нашле пред нејзиниот пат, меѓу кои бил и „СС Пендлтон, нафтен танкер кој се движел кон Бостон, а кој бил буквално распарчен на половина по што повеќе од 30 морнари биле заробени на бродот што тоне.
Како виш офицер на бродот, помошникот-инженер Реј Сиберт наскоро сфаќа дека тој треба да го предводи исплашениот екипаж и да ги инспирира луѓето да ги остават настрана своите разлики и да работат заедно за да се извлечат од една од најголемите бури во историјата. Во меѓувреме, како што стигнуваат вестите за бурата до станицата на крајбрежната стража во Чатам, Масачусетс, офицерот Даниел Клаф наредува смела операција за спасување на морнарите. И покрај тешките услови, четворица мажи, предводени од капетанот Берни Вебер, тргнале на дрвен чамец за спасување со слаб мотор и со речиси никакви средства за навигација, соочувајќи се со смрзнувачки температури, со огромни бранови и со силен, урагански ветер.