Содржина
Добитниците на „Оскар“ Том Хенкс и Сандра Булок се соединуваат по првпат во оваа трогателна драма за периодот по 11 септември. Филмот е адаптација на ценетиот бестселер од Џонатан Шафран Фоер, „Екстремно гласно и неверојатно блиску“, и претставува приказна која се развива од внатрешноста на младиот ум на Оскар Шел, инвентивен единаесетгодишен њујорчанец, чие откривање на еден клуч помеѓу предметите оставени од неговиот покоен татко го тера да оди во потрага низ целиот град за да ја најде бравата што тој ќе ја отвори. Една година откако неговиот татко умира во Светскиот трговски центар, на денот кој Оскар го нарекува „најлошиот ден“, тој е решен да ја одржи својата витална поврзаност со човекот што го има убедено да се соочи со своите најголеми стравови. Сега кога Оскар ги минува петте њујоршки реони во потрага по исчезнатата брава, среќавајќи еден куп луѓе кои преживеале сопствени проблеми, тој почнува да ја разоткрива невидливата поврзаност со својот татко кој му недостига, со мајка му која изгледа толку далечна од него, како и со целиот бучен, опасен и вознемирувачки свет околу него.
Слики
