Содржина
Двајца најдобри пријатели кои успеале во светот на хип-хоп музиката и кои професионално се поддржуваат еден со друг, одбираат други љубовни партнери пред да сфатат дека всушност се вљубени еден во друг.
Сидни (Шана Латан) и Дре (Тај Дигс) се пријатели уште од десетгодишна возраст. Што ги споило? Љубовта кон возбудливиот нов музички стил наречен хип-хоп. По 20 години, Дре е сопственик на успешна музичка компанија, а Сидни е почитувана и „дигната“ музичка новинарка, а и двајцата сè уште се пријатели... и тоа блиски пријатели. Всушност, толку се блиски што сите околу нив се изненадени што не се во љубовна врска еден со друг. Кога Дре ја запросува својата прекрасна девојка, адвокатката Рис (Никол Ари Паркер), Сидни почнува да ја преиспитува сопствената врска со своето момче. Како што се наближува венчавката на Дре, Сидни почнува да стравува дека Дре отсекогаш бил љубовта на нејзиниот живот и дека таа го пуштила да ѝ избега од раце.