Џој

СОДРЖИНА

Филмот се заснова на животот и подемот на изумителката и ѕвездата на домашниот шопинг, Џој Мангано. Приказната која спојува повеќе жанрови, „Џој ни претставува едно лудо патешествие на едно трудољубиво но полураспаднато семејство, и на младата девојка која на крајот станува глава во семејството. Џој ја води желбата да создава и да се грижи за луѓето околу неа, но таа искусува предавства, губење на невиноста и љубовни лузни додека ги пронајде својата цврстина и своите уверувања за да ги следи соништата кои порано ѝ биле потиснати. Резултатот е емоционална и човечка комедија за подемот на една жена, за снаоѓањето во суровиот свет на трговијата, за хаосот на семејството и за мистериите на инспирацијата додека успева да го најде својот извор на среќа.