Содржина
Амели живее во Париз во свој сопствен свет и работи како келнерка во малиот кафе бар „Две ветерници“. Носи траума од ненадејната смрт на мајка ѝ, а со таткото нема добри односи. Ја воодушевуваат разни ситници, а еден ден во својот стан пронаоѓа стара кутија со сувенири од нечие детство. Сака да го најде сопственикот на кутијата, па по подолго талкање, еден ексцентричен сликар ја упатува на вистинската трага и таа анонимно му ја враќа кутијата на сопственикот. Тоа го менува неговиот живот и Амели решава да пронајде и други животи кои би требало да се разубават и оплеменат. Се обидува да ги ослободи чувствата кај нејзиниот татко, па го краде неговото градинарско џуџе и ја наговара сосетката и стјуардеса Филомен да му испраќа фотографии од „патувањето околу светот“. Ѝ пишува лажни љубовни писма на својата домарка потпишувајќи се како нејзиниот починат сопруг, а им пронаоѓа и љубовни партнери на своите познаници... Но кој ќе го поправи и разубави нејзиниот живот?