Црна миса

Содржина

Врз основа на книгата „Црна миса: вистинитата приказна за сојузот помеѓу ФБИ и ирската мафија, во оваа криминалистичка драма играат номинираниот за „Оскар, Џони Деп, во улога на злогласниот гангстер Вајти Булгер. Во Jужен Бостон од 1970-тите, агентот на ФБИ, Џон Коноли (Џоел Едгертон) го убедил ирскиот мафијаш Џејмс Булгер со прекар Вајти (Деп) да соработува со ФБИ за да го елиминираат заедничкиот непријател, италијанската мафија. Драмата ја раскажува вистинитата приказна за овој сојуз кој излегол од контрола, што му овозможило на Вајти да го избегне законот, да ја консолидира моќта и да стане еден од најбезмилосните и најмоќни гангстери во историјата на Бостон. Во режија на Скот Купер („Од печка, „Лудо срце), во гангстерската сага играат и Бенедикт Камбербач во улога на сенаторот кој е брат на Вајти, Кевин Бејкон во улога на агентот на ФБИ, Дакота Џонсон во улога на девојката на Вајти, како и многу други.