Содржина
Бенџамин е типичен 25-годишен комјутерски фанатик, без чувство за мода, без пријатели и дефинитивно без девојка. Но, тоа што тој го има е природен талент за сите дигитални работи. Неговата онлајн активност го привлекува харизматичниот Макс, надежен револуционер кој сака да го „хакира светот, но му се потребни вештините на Бенџамин.
Светот на Макс е полн со забави, дрога и секс, а сето тоа е премногу за интровертниот Бенџамин, кој сепак е благодарен што воопшто е дел од нешто. Двојката се здружува со исто така талентираните Штефан и Пол и ја оформуваат хакерската група „Клеј (скратено од „Кловнови што ти се смеат), пробивајќи во меѓународните безбедносни системи и хакирајќи во името на социјалната правда. И тие се навистина добри во тоа, толку добри што го привлекуваат вниманието на германската тајна служба и на Европол, а што е уште пострашно и на еден злобен ривалски хакер кој ги смета за закана што треба да се отстрани. Нападнат од сите страни, Бенџамин мора своето знаење да го употреби во борбата на живот или смрт, па сфаќа дека тоа што конечно припаѓа некаде можеби има преголема цена.