Ноќна потера

Содржина

Бруклинскиот мафијаш и платен убиец Џими Конлон (Лијам Нисон), некогаш познат и како Гробарот, видел и подобри времиња во животот. Џими е долгогодишен најдобар пријател на мафијашкиот шеф Шон Мегваер (Ед Херис) и сега има 55 години, па го прогонуваат гревовите од минатото, а бега и од еден полициски детектив, кој го брка Џими веќе 30 години. Изгледа единствената утеха за Џими во последно време е чашата виски. Но, кога отуѓениот син на Џими, Мајк (Џоел Кинаман), станува мета, Џими мора да избере помеѓу мафијата што ја одбрал и неговото семејство кое го напуштил многу одамна. Мајк е во бегство, а единственото искупување за гревовите од минатото на Џими можеби е во обидот да го спаси сопствениот син. Џими сега веќе нема безбедно место каде што може да оди, па има само една ноќ да открие каде лежи неговата верност и да види дали конечно може да постапи исправно во животот.