Џулија

СОДРЖИНА

Џулија има 40 години и е зависник од алкохол. Таа е манипулативна, недоверлива и патолошки лаже. Помеѓу неколкуте чашки вотка и врските за една ноќ, Џулија работи хонорарно. И додека станува сè поосамена, единствениот пријател што се грижи за неа е Мич, кој се обидува да ù помогне. Меѓутоа таа го отфрла, и секој ден под дејство на алкохол мисли дека животот ù ја предодредил оваа губитничка улога и дека самата е виновна за хаосот во кој живее. По средбата со Мексиканката Елена, Џулија се убедува себеси да направи лошо дело, колку од паника, толку и од финансиската безизлезна ситуација. Како што се одвива дејствието на филмот, така животот на Џулија станува борба за опстанок. Ќе успее ли да го одбере животот наместо смртта?
Филмот премиерно беше прикажан на 58. Берлински филмски фестивал.