Црната Венера

СОДРЖИНА

Почеток на 19-тиот век. Црната жена Сартје е прикажана пред гладната европска толпа како егзотична атракција. Нејзината необична анатомија станува предмет на научно истражување и цел на машката похотливост.
Париз, 1817 година, во Кралската медицинска академија. “Никогаш не сум видел човечка глава што е толку слична на мајмун.“ Стоејќи покрај извајан модел од телото на Сартје Бартман, анатомот Жорж Кувие ја носи конечната пресуда. Група од еминентни колеги блика од радост. Седум години порано, Сартје ја напушта својата родна Јужна Африка со нејзиниот господар Цезар, кој сака да го изложи нејзиното тело пред публиката во Лондон на претстави за изроди. Слободна и робинка во исто време, “Црната Венера“ станува икона на предградијата, предодредена да биде жртвувана при потрагата по светлата визија за просперитет.