Содржина
Од режисерот, добитник на „Оскар“, Џузепе Торнаторе, пристигна необичната приказна за едно момче родено на море. Тоа станува виртуозен пијанист чие музичко реноме оди многу подалеку од самиот брод, иако тој никогаш не стапнува на копно.
На 1 јануари 1900 година, Дени Бодман, механичарот на трансатлантскиот брод „Вирџинијан“, кој патува кон Америка, наоѓа едно напуштено бебе на бродот и решава да го задржи. Момчето, кое добива прекар Новеченто (1900), пораснува на бродот, скриено од другиот свет. Неговото присуство се открива кога Дени умира во една несреќа. Младиот „1900“ успева повторно да се скрие и покрај заканите од капетанот. Откривајќи ја страста за музиката, тој учи сам да свири на пијано без да знае да чита ноти, па наскоро станува виртуоз, чие реноме се шири многу подалеку од самиот брод. Дури и познатиот џез-пијанист Џели Рол Мортон оди на бродот за да го предизвика, бидејќи има чуено за најдобриот светски пијанист кој живее на брод. Приказната ја раскажува трубачот Макс Туни, стариот пријател на Новеченто, кој се присеќава на неверојатниот пијанист кој никогаш нема стапнато на копно.