Ритамот на лудилото

Содржина

Ендру Нејман е амбициозен млад џез-тапанар, а единствена цел му е да се издигне на врвот во еден елитен музички конзерваториум. Прогонуван од пропаднатата писателска кариера на татко му, Ендру деноноќно копнее да направи голема кариера. Теренс Флечер е наставник кој е познат по своите наставнички таленти, но и по застрашувачките методи. Тој го предводи џез-составот во училиштето. Флечер го открива Ендру и го префрла надежниот тапанар во својот состав, засекогаш менувајќи му го животот на младиот човек. Страста на Ендру за постигнување совршенство набргу се претвора во опседнатост, додека неговиот безмилосен наставник продолжува да го турка до работ на неговите способности, но и на неговиот разум.