Содржина
Мери, кралицата на Шкотска, го минала своето детство во Франција и требало да стане и кралица на Франција. Сепак, нејзиниот болен сопруг умрел, па младата вдовица се вратила сама во Шкотска, земја уништена од војна. Елизабета тукушто станала кралица на Англија, а за Мери била како сестра близначка на која може да ѝ го отвори своето срце. Мери повторно се омажила и родила наследник на престолот. Нејзиниот втор сопруг, лордот Дарнли, се покажува како слабак. Кога Мери ја наоѓа љубовта на својот живот, ерлот од Ботвел, таа наредува Дарнли да биде убиен, па се мажи за Ботвел.
Ужаснати од делото и од слепата страст што го мотивирала, и благородниците и народот на Шкотска почнуваат да ја одбиваат. За да избегне крвава битка, Мери е присилена да се откаже од својот сакан Ботвел. Во очај, таа бара помош од Елизабета. Како одговор, кралицата на Англија ја затвора. По 19 години поминати во златен кафез, Мери конечно е пуштена кога Елизабета наредува да ѝ ја исечат главата.