Содржина
Вистинита приказна која се одвива во Јужна Африка за време на Бурските војни (1899-1902). Тројца австралиски офицери се на суд за убивање затвореници со цел да го оттргнат вниманието од воените криминали чии сторители се нивните надредени.
„Престапникот Моран“ е еден од најценетите австралиски филмови, кој раскажува силна приказна за предавство во време на војна и за неправда. Хенри Моран-Брејкер (Едвард Вудвард) е Англичанец кој живее во Австралија на крајот од 19-тиот век. Кога во 1899 г. избувнува војна меѓу Британците и Бурите (потомци на колонистите од Холандија), Моран и неколкумина Австралијци волонтираат за должност и им се додадени на нерегуларните единици од Британската армија. Постапувајќи по наредби од неговите командири, Моран надгледува убивање на повеќе бурски затвореници, при што излегува дека еден од нив бил Германец, а за да се одржи мирот со Германија, Британија се согласува да им се суди на Моран и на уште двајца војници.