Содржина
Дејството на оваа музичка комедија се одвива во една интересна верзија на Дивиот Запад, каде се работи за една група животни што се соочуваат со опасност, па мораат да се здружат за да постигнат заедничка цел. Алчниот одметник по име Аламеда Слим планира да ја грабне млечната фарма „Дел од рајот од нејзиниот кроток сопственик Перл. Поради тоа што не сакаат без борба да се откажат од својот идиличен живот, три решителни крави, пастувот каратист Бак, како и еден куп живописни суштества, ги здружуваат силите за да ја спасат фармата во оваа луда авантура. Спротивставувајќи им се на лошите во овој суров вестерновски пејзаж, животните ги ризикуваат сопствените кожи и се надмудруваат со таинствениот ловец на уценети глави Рико во трката да го заробат Слим и да ги земат парите од наградата за неговата глава.