Содржина
Драма за трагичното застрелување на Оскар Грант, 22-годишен татко од Сан Франциско, кој безумно бил застрелан од полицијата на дочекот на новата 2009 година, чие убиство ја шокираше нацијата.
„Станица Фрутвејл“ ја прикажува вистинитата приказна за Оскар Грант, 22-годишен жител на Сан Франциско, кој се разбудил едно утро на 31 декември 2008 година и почувствувал нешто во воздухот. Без да знае што е тоа, тој го сфатил тоа како знак да ги оствари своите ветувања: да ѝ биде подобар син на својата мајка, чиј роденден е на Нова година, да ѝ биде подобар партнер на својата девојка Софина, кон која не бил баш искрен во последно време, како и да ѝ биде подобар татко на Татјана, нивната прекрасна 4-годишна ќерка. Вкрстувајќи ги патиштата со пријателите, семејството и со непознати луѓе, Оскар добро го почнува денот, но подоцна сфаќа дека промената нема лесно да дојде. Неговите ветувања добиваат трагична насока кога полицајци ладнокрвно го застрелуваат на станицата „Фрутвејл“ на подземната железница, точно на Нова година. Животот и трагичната смрт на Оскар сосема ќе го потресат Сан Франциско, но и целата нација.