Соседи

Содржина

Очигледно е дека Мек и Кели го живеат американскиот сон, со прекрасна ќеркичка и во преубав нов дом во предградие. Но, откако до нив се преселуваат луди нови соседи, нивниот нормален живот се растура на парчиња...
Очигледно е дека новите родители Мек (Сет Роген) и Кели Раднер (Роуз Бирн) го живеат американскиот сон, со прекрасна ќеркичка и во преубав нов дом во предградие, па триесет и кусургодишниците веруваат дека ќе живеат мирен и спокоен живот. Но, кога откриваат дека нивните нови соседи се студентско братство што го предводи нивниот харизматичен претседател Теди Сандерс (Зак Ефрон), тие се обидуваат да се вклопат и најдобро да ја искористат чудната ситуација. Кога забавите на братството стануваат сѐ поголеми, и двете страни почнуваат да копаат ровови. Една саботажа од соседите доведува до одмазда, по што започнува епска војна помеѓу две групи со различна возраст.