Пак дома

Содржина

Марва, Данстон и Евертон пораснале во Торонто, Њујорк и Лондон, но се депортирани „дома“ во Јамајка. Во Кингстон откриваат дека животот е борба за опстанок каде поддршката од семејството, пријателствата и покривот над главата се релативни.
Марва, Данстон и Евертон пораснале во Канада, САД и во Англија. Сега се депортирани „дома“ и секој од нив набргу открива една многу поинаква Јамајка од идиличниот рај што го гледаме на туристичките реклами или што го има во нивните сеќавања од детството. Секој ден е борба за преживување во местото каде што поддршката од семејството, пријателствата и покривот над главата се релативни. Опасноста ги демне на секој чекор во земјата која ја има третата највисока стапка на убиства по глава на жител во светот. Потоа тука е и фактот дека Јамајканците едногласно ги обвинуваат депортираните лица за поголем дел од нивниот криминал. „Пак дома“ ги прикажува животите на три личности кои одат на патување полно со големи пречки, но по пат тие го наоѓаат најчовечкото чувство... надежта.