Содржина
Во оваа нежна хумористична драма, која се одвива во Алабама во доцните 60-ти, две очајни семејства од спротивните страни на Атлантикот заедно тажат за смртта на мајката која ги спојува, па ја откриваат вистинската сила на исцелувањето.
Филмот „Колата на Џејн Мејнсфилд“, чиј косценарист и режисер е добитникот на „Оскар“, Били Боб Торнтон, претставува драма која се одвива во 60-тите и во која главна тема е семејството, давајќи поглед на два шаренолики клана, кои се спојуваат поради смртта на жената што била мажена отпрвин за „јужњакот“ Џим Калдвел, а потоа и за Британецот Кингсли Бедфорд. Кога ја носат дома за да ја погребаат, двете семејства првпат се среќаваат во домот на Калдвел во Алабама и имаат некоја чудна љубопитност едни за други. Филм за судирот на културите во времето на Виетнамската војна, во кој „стариот свет“ се среќава со „стариот американски југ“, како и за предрасудите, семејните ривалства и тајни, но и за сеќавањата за војната и како таа обликувала три генерации татковци и синови.
Слики
