Содржина
Гас Лобел (Клинт Иствуд) со децении бил еден од најдобрите скаути во бејзболот, но и покрај неговите напори да ги скрие годините, тие почнуваат да го совладуваат. Сепак, Гас кој одлично препознава таленти, одбива да „седне на клупа, на крајот од својата кариера. Можеби нема да има избор. Управата на „Атланта Брејвс почнува да се сомнева во неговото расудување, особено околу најжешкиот феномен во бејзболот во земјата. Единствената личност што може да помогне е и личноста што Гас никогаш не би ја прашал за таа работа. Тоа е неговата ќерка Мики (Ејми Адамс), која е стажант во едно правно биро во Атланта и чија мотивација и амбиција ѝ создаваат можност да стане партнерка. И покрај тоа што смета дека не е правилен избор, а и покрај противењето на Гас, Мики му се придружува на најновото скаутско патување во Северна Каролина, загрозувајќи ја сопствената кариера за да ја спаси неговата.