Содржина
Животната приказна на една морска желка која се раѓа во 1959 год. Минувањето педесет години во океаните би нѐ ставило во чудна положба да бидеме сведоци на големите промени кои сè поголемото човечко присуство ги прави на нашата планета.
Откако стигнува до морето, кратко време по своето раѓање на една плажа во Калифорнија, морската желка Семи ја наоѓа и ја губи љубовта на својот живот, убавата мала желка по име Шели. На епското патување низ океаните, на кое одат сите желки пред да се вратат на плажата каде што се родени, Семи ги избегнува сите опасности во надеж дека повторно ќе се сретне со Шели. Со својот најдобар пријател Реј, тој одблиску гледа како луѓето ја повредуваат планетата. Но, потоа него го спасуваат други луѓе. Тој се бори со пирани, избегнува еден орел-риболовец и оди во потрага по мистериозниот „таен премин“. И еден ден, по толку многу авантури и опасни средби, Семи ја наоѓа Шели. И таа го нема заборавено него...