Зад канделабрите

СОДРЖИНА

Во режија на познатиот режисер Стивен Содерберг и во извршна продукција на Џери Вантрауб, оваа драма на ХБО Филмс го прикажува раскошниот приватен свет на Либераче (Мајкл Даглас), феноменално успешен уметник, чии екстравагантни костими, препознатливи канделабри и комплексни сценски настапи го направија најпрофитабилниот изведувач во неговото време. Приказната се фокусира на бурната врска на Либераче со Скот Торсон (Мет Дејмон) во Лас Вегас, во периодот од 1977 до 1982 година, време кога Либераче бил на врвот на популарноста, но останал прикриен хомосексуалец.
Филмот „Зад канделабрите, со одличните актерски настапи на Даглас и Дејмон, ја прикажува суштината на привлечноста на Либераче, потсетувајќи ги гледачите колку биле различни ставовите во тоа време кога неколкумина познати уметници (вклучително и Либераче) не можеле да признаат дека се хомосексуалци, барем не пред публиката што ги направи ѕвезди.