Содржина
Во 2001 год., еден Пакистанец по име Чангез е тазе дипломиран на “Принстон“ и сака да се збогати на Волстрит. Изгледа дека американскиот сон му е на дофат на рацете. Но, кога се нападнати кулите-близначки, сонот на Чангез станува кошмар...
Почнуваме во 2011 година во Лахор. Во едно отворено кафуле, Пакистанецот по име Чангез му раскажува на американскиот новинар Боби за своите искуства во САД. Се враќаме десет години во минатото и го наоѓаме помладиот Чангез кој е тазе дипломиран на “Принстон“, како бара богатство и слава на Волстрит. Изгледа дека американскиот сон му е на дофат на рацете, а тука е и неговата паметна и згодна девојка, Ерика која е уметник. Но, кога се нападнати кулите-близначки, културниот јаз полека почнува да се отвора помеѓу Чангез и Ерика. Сонот на Чангез наскоро се претвора во кошмар. Него го следат, го апсат без причина, го претресуваат гол и го испрашуваат, па тој се преобразува од добро образуван и надежен бизнисмен во жртвено јагне врз кое се гледа како на непријател. Со тек на времето, тој почнува да го слуша повикот на својата татковина. Водејќи нѐ низ културно богатите и привлечни светови на Њујорк, Лахор и Истанбул, филмот „Колебливиот фундаменталист“ претставува приказна за спротивставените идеологии каде перцепцијата и сомнежот имаат моќ да определат нечиј живот или нечија смрт.