Содржина
Питер Греј е успешен готвач, но и незадоволен поради лошите критики од гастрономскиот критичар Џ. Т. Френкс. По една рецензија на Френкс, Греј добива отказ. Тој го киднапира Френкс и го присилува да си ја зготви „совршената“ вечера...
Премногу посветениот телевизиски готвач Питер Греј го киднапира Џ. Т. Френкс, кој е влијателен и премногу остар гастрономски „блогер“, откако лошите критики му ставаат крај на и онака влошената кариера на Греј. Изолиран длабоко во шумите на долината Хадсон, Греј го држи Френкс заврзан во една визба, ставајќи го пред серија навидум едноставни кулинарски предизвици, од подготовка на совршени јајца, до печење на прецизно среднопечен бифтек, садистички казнувајќи го за сѐ што не е зготвено до совршенство. Филмот „Горка гозба“ е напнато адреналинско искуство полно со злобни итроштини и со кулинарски жар и претставува истражување на креативниот импулс, кој оди трагично и рапидно во лоша насока.