Содржина
Длабок психолошки трилер, раскажан од гледната точка на една жена осомничена за убиство, која се вљубува во главниот детектив што го води случајот.
Ана Велс живее во мал стан во Лондон откако нејзиниот сопруг ја има оставено. Охрабрена од својата ќерка да продолжи со животот, таа понекогаш оди на забави за самци. Една вечер, таа среќава маж и оди дома со него. Следното утро Ана се среќава со детективот Берни Рид, кој е повикан на местото на едно брутално убиство што се случило во зградата од која таа си заминува. Размислувајќи за случајот, Берни не може да ја извади оваа жена од својот ум. Тој ја наоѓа и ја следи на една забава за самци, каде што тие конечно се запознаваат. Веднаш се развива заемна привлечност, иако Ана не се сеќава на Берни, ниту на утрото кога првпат се запознале. Кога доказите почнуваат да укажуваат на вмешаноста на Ана во убиството, професионалното расудување на Берни е во судир со неговата желба за интимност, па конечно се отплеткува мистеријата што се наоѓа длабоко во умот на Ана.