Содржина
Десетгодишниот нем шизофреничар Авел се справува со стресот во семејството, со тоа што одеднаш почнува да зборува и ја презема улогата на отсутниот татко, фантазија во која сите се вклопуваат до враќањето на неговиот вистински татко...
Актерот Диего Луна дебитира како режисер со оваа енигматска сатирична драмска комедија, која се одвива во Мексико и ја обработува темата на патријархатот и семејството. Авел е деветгодишно момче со психички проблеми и се наоѓа во психијатриска клиника откако доживува нервен слом и се повлекува во тишина, очигледно како реакција на тоа што таткото го напуштил семејството пред три години. Мајка му Сесилија ги убедува докторите да го пуштат дома, каде што Авел почнува да зборува, морничаво примајќи ја личноста на својот отсутен татко, зборувајќи строго кон ќерката-тинејџерка, барајќи да му направат појадок итн. Семејството се вклопува во играта, па Диего Луна покажува како делузиите на Авел ги исполнуваат нивните потреби да имаат маж во куќата, иронија што оди заедно со фактот дека отсутниот татко, кој неочекувано се враќа, е дете исто колку и Авел.