Содржина
Опсесивно-компулсивниот Нико се здружува со поранешната девојка Стиви, која е агресивна активистка за правата на животните и му го одвлекува вниманието на Нико од набљудувањето птици и од извршувањето на еден мрачен план.
„Пеликанска крв“ е заснован на истоимениот роман на Крис Феди. Тоа е приказна за Нико, кој е шармантен и смешен, но и опсесивно-компулсивен, опасен и самодеструктивен, прилично уникатна комбинација за набљудувач на птици! Нико ги бележи ретките птици што ги видел и планира да се самоубие штом ќе го достигне бројот 500. Кога го среќаваме, Нико тукушто го штиклира бројот 497. Повторното појавување на убавата, но многу агресивна, поранешна девојка на Нико, Стиви, која ја игра Ема Брот, ги пореметува неговите планови и му предизвикува хаос во животот. Може ли таа да го спаси Нико од самиот себе, или ќе го турне уште повеќе во пропаст?