Содржина
Филмот се одвива во Англија од елизабетинската доба и во него се шпекулира околу прашањето што со векови ги интересира мислечките луѓе, од Марк Твен и Чарлс Дикенс до Хенри Џејмс и Зигмунд Фројд, а тоа е: Кој е авторот на драмите што му се припишуваат на Вилијам Шекспир? Експертите имале доста дебати, напишани се и многу книги, а некои интелектуалци ги посветиле и целите свои животи за одбрана или за побивање на теориите околу авторството на најпознатите дела во англиската литература. Филмот „Анонимус“ дава еден можен одговор, фокусирајќи се на времето кога политичките интриги, незаконските романси на кралскиот двор и заверите на алчните благородници, гладни за моќта на престолот, биле разоткривани на најнеобично место - лондонската сцена.