Да се убие Боно

Содржина

Рокенрол комедија за двајца ирски браќа, кои се борат да се пробијат на музичката сцена во 1980-те и да станат светски рок-ѕвезди, но нивните стари пријатели од училиштето, „У2“, стануваат најголемиот бенд на светот.
Нил Мекормик отсекогаш знаел дека ќе биде познат. Тој е млад ирски композитор и потенцијален гениј, кој нема да се задоволи со ништо помалку од рокенрол слава. Но во училишниот бенд „Д Хајп“ има место само за еден пејач, а неговиот пријател Пол веќе ја има земено работата. Нил оформува сопствен бенд заедно со својот брат Иван, решен да го надмине „Д Хајп“. Има само еден проблем. „Д Хајп“ го менуваат своето име во „У2“, а Пол станува „Боно“. Природно е да има само еден избор за Нил, да стане поголем од „У2“. Браќата се упатуваат во Лондон во својата потрага по слава, но уништени се од неправдите во музичката индустрија, а секоја нивна активност е засенета од успехот на нивните стари училишни ривали. Кога и самите доживуваат малку успех, Иван ја открива шокантната вистина за ривалството на Нил со „У2“ и таа се заканува да уништи сѐ. Додека рокенролскиот сон му се распаѓа, Нил чувствува дека неговиот неуспех небаре е директно поврзан со успехот на Боно. Дали тој е контратежа на Боно? Дали неговата судбина е засекогаш да живее во сенката на славата? А што ако одговорот лежи во тоа... да се убие Боно?