Жената од петката

Содржина

Американскиот писател Том Рикс (Итан Хоук) пристигнува во Париз за да биде поблиску до својата млада ќерка, која живее со неговата отуѓена бивша жена. Тој е без пари и прифаќа работа на ноќен чувар за еден локален криминален шеф. Том работи во една подрумска канцеларија и негова единствена задача е да притисне едно копче штом ќе заѕвони ѕвончето. Тој се надева дека мирот што го нуди ноќта ќе му помогне да се фокусира на својот нов роман. Неговите денови стануваат повозбудливи кога започнува романса со Маргит (Кристин Скот Томас), мистериозна и елегантна вдовица, која поставува чудни правила за нивните средби: таа сака со него да се гледа само во нејзиниот стан во петтиот арондисман, точно во 5 часот попладне, двапати неделно и тој не треба да поставува прашања за нејзината работа или за нејзиниот минат живот. Кога одеднаш почнуваат да умираат луѓе околу Том, тој почнува да верува дека во неговиот живот влегла мрачна сила која ги казнува сите што во скоро време му згрешиле.Откако полицијата го обвинува дека го убил својот сосед, Том се обидува да ги искористи своите неделни посети во станот на Маргит како алиби, но дознава дека таа нема живеено на таа адреса во минатите 15 години...