Чистачка на базени

Содржина

Алиса Милано ја игра Хуго, млада чистачка на базени во Лос Анџелес. За еден ден Хуго чисти 44 базени, излегува на крај со ексцентрични и напати опасни клиенти, им помага на своите родители да пораснат и сепак наоѓа време да се вљуби...
Необична комедија, која се одвива во ексцентричната средина на Лос Анџелес. Хуго Дугеј е млада жена што заработува за живот чистејќи базени кога не е зафатена со чување на мајка си Минерва, зависничка од коцкање, и на својот татко Хенри, кој е зависник од алкохол и уште од неколку дроги. Еден ден, Хуго треба да се погрижи за повеќе од 40 базени, што се усложнува поради фактот дека Лос Анџелес се наоѓа среде суша, а нејзе ѝ е забрането да го користи градскиот водовод за да ги наполни. Тоа се особено лоши вести за Чик Чичалини, мафијашки шеф, кој прави забава и инсистира да има чист базен со свежа вода за забавата. Во надеж дека ќе ја намали нервозата на Чик, таа осмислува сложен план во кој се вклучени една цистерна и едно брзо патување до реката Колорадо. Хуго, исто така, сретнува и еден мистериозен автостопер, кој можеби има волшебни моќи, а излегува на крај и со другите муштерии, меѓу кои се и нервозниот режисер Франц, како и згодниот маж Флојд, во кого таа се вљубува и покрај фактот дека тој пати од амиотрофична латерална склероза (АЛС), позната и како болеста на Лу Гериг.