Прехрана АД

Содржина

Колку навистина знаеме за храната која ја купуваме во нашите локални супермаркети и ја служиме на нашите семејства? Во „Прехрана АД“, режисерот Роберт Кенер ја прикажува прехранбената индустрија на нацијата, откривајќи ја механизацијата која е скриена од американскиот потрошувач со согласност од регулаторните агенции на нашата влада, УСДА и ФДА. Снабдувањето со храна на нашата нација сега е контролирано од неколку корпорации на кои честопати профитот им е поважен од здравјето на потрошувачите, животите на американските фармери, безбедноста на вработените, па дури и на нашата животна средина. Имаме поголеми пилешки гради, совршени свински кременадли, семиња за соја кои се отпорни на хербициди, па дури и домати кои не се расипуваат, но исто така имаме и нови нишки на Е. Коли - штетната бактерија која предизвикува болест за приближно 73.000 Американци на годишно ниво. Нападнати сме од широко распространета прекумерна тежина, особено кај децата и од епидемиски нивоа на дијабетес кај возрасните. Во документарецот има интервјуа со експерти како Ерик Шлосер („Нација на брза храна“, Мајкл Полан („Дилемата на сештојадите“, „Во одбрана на храната: манифест на јадачите“) заедно со општествените претприемачи со напредни идеи, како Гери Хиршберг од „Стонифилд“ и Џоел Салатин од „Полифејс Фармс“. „Прехрана АД“ открива изненадувачки – а честопати и шокантни вистини – за она што го јадеме, како е тоа произведено, каква нација имаме станато и каде ќе одиме од тука.