Паранормална активност 4

Содржина

Едно семејство од Невада во кое се ќерката-тинејџерка Алекс и нејзиниот помал брат, го примаат кај себе младиот сосед Роби, додека мајка му е болна. Кога се случуваат чудни работи, Алекс ги поврзува чудните настани со присуството на Роби.
Филмската серија “Паранормална активност“ продолжува со четвртиот дел. Овој пат, камерите на мобилните телефони и на компјутерите се фокусирани на тинејџерката Алекс чие семејство прима едно младо момче од соседството, по име Роби, да престојува кај нив додека мајка му е болна. Набргу почнуваат да се случуваат чудни работи во домаќинството, дел од нив се фокусираат на помладиот брат на Алекс, Вајат. Како што се интензивираат ноќните настани, така растат мистериите околу семејството на Роби и куќата од спротивната страна на улицата до точка до која единствено нешто што може да го стори тинејџерката е самата да почне да истражува.