Плоштад Колумбо

СОДРЖИНА

Една наследничка, која живеела затворена во својата зграда речиси две децении, присилена е да се соочи со сопствените стравови, откако еден од нејзините соседи е убиен и пристигнува детектив за да води истрага.
Абигејл Клејтон (Селма Блер) живее осамена. Многу осамена. Всушност, привлечната наследничка ја нема напуштено својата зграда на Менхетен речиси две децении. Абигејл е позната ќерка на богат индустријалец, која на 18-тиот роденден исчезнува од љубопитните погледи на новинарите и од своето нападно семејство. Тоа е денот кога го добива своето огромно наследство. За време на самонаметнатата изолација Абигејл имала контакти само со двајца луѓе, Кландерман (Кевин Полак), домарот во нејзината зграда, со кого комуницира преку пораки, и д-р Рејмонд Фонтејн (Бо Бриџис), долгогодишен семеен пријател и единствен човек кому му се доверувала во поголемиот дел од својот живот. Смртта во зградата го наведува детективот од њујоршката полиција Френк Џардело (Џовани Рибиси) да почне истрага, а Абигејл станува вознемирена кога го гледа него пред својата врата, дојден за да ѝ постави прашања. Обидувајќи се да го купи слободниот стан на мртвата жена за да ја обезбеди својата приватност, Абигејл станува уште повознемирена кога нејзините барања не добиваат одговор а се вселуваат новите станари Лилијан (Ејми Смарт) и Чарли (Џејсон Ли). Абигејл нервозно ги следи новите соседи од својата клучалка, а нејзиниот добро подреден свет почнува да се распаѓа кога таа конечно се сретнува лице в лице со Лилијан и Чарли и нејзиниот заштитен живот станува загрозен на неочекуван и ужасен начин.