Тхе Wатцх

Содржина

Четири момчиња кои оформуваат група за заштита на соседството за да избегаат од своите секојдневни семејни рутини, откриваат вонземска завера за уништување на земјата, па сега тие се единствената шанса за спас на соседството и светот.
Единствените работи кои се поопасни од заканата со која се соочуваат добрите граѓани од преградието Гленвју се четирите момчиња кои се здружуваат за да ги спасат. Запознајте се со чуварите на соседството: Еван кој е совесен граѓанин, Боб кој е семеен маж кој сака забава, “опасниот“ Френклин и разведениот Џамаркус кој бара љубов. Гленвју, Охајо, САД, планета Земја. Во оваа навидум мирна и безбедна енклава, Еван, Боб, Френклин и Џамаркус одлучуваат да се здружат за да го заштитуваат своето соседство. Дополнително, тие уживаат и во привилегиите кои доаѓаат со таа задача... на пример, пиење пиво, бесцелно пукање и правење машки работи. Дури и покрај нивните нови “фраерски“ јакни на кои има слика од запалени крила и тигарска глава (не прашувајте зошто), оваа не толку страшна “четворка“ отпрвин не добива многу почит од жителите што треба да ги заштитуваат. Но, кога ненадејно откриваат дека нивниот град е нападнат од вонземјани кои изгледаат како обични жители на предградието, тие немаат друг избор освен да го спасат своето соседство, а и светот, од целосно уништување.