Содржина
Семејна драма за двајца близнаци што се враќаат во својот мал град откако не успеваат како бејзбол-играчи во Првата лига. Браќата се обидуваат да ги преосмислат своите животи додека се помируваат со љубовта спрема нивниот татко бездомник.
Трогателен дебитантски филм на идентичните близнаци Логан и Ноа Милер, кои не само што го напишаа сценариото туку и го режираа и беа продуценти на филмот, а ги играа и главните улоги. Голем дел од филмот е снимен во нивниот двор во Северна Калифорнија, буквално и фигуративно, со оглед на тоа што тој е интензивно автобиографски. Оваа семејна драма ги прикажува неверојатните актерски таленти на Ед Херис во улогата на бездомниот татко и на Роберт Форстер во улогата на симпатичниот шериф од мал град. Кога дваесет и кусургодишните браќа не го исполнуваат својот сон да успеат во Првата бејзбол-лига, тие се враќаат дома за да закрепнат, да ги преосмислат своите животи и да ја повратат својата љубов спрема нивниот татко, и покрај бесот и очајот поради неговото хронично срамно однесување. Истовремено, тие мора да се борат со сопствениот страв од неуспех и со конфликтите со татко им додека работат со своите немирни пријатели во градскиот каменолом.