Содржина
Уживајте во забавата и музиката од славните денови на рокенролот. „Рок на времињата“ ја раскажува приказната за провинцијалката Шери и за градското момче Дру, кои се запознаваат на „Сансет Стрип“ додека ги бркаат своите холивудски сни.
Филмската адаптација на хитот бродвејски мјузикл „Рок на времињата“ пристигнува на големиот екран во режија на Адам Шенкман („Лак за коса“). Во доцните 1980-ти е последното одбројување за еден легендарен холивудски рок-клуб, кој се соочува со пропаѓање во рацете на ентузијастичките инвеститори. Кога на сцената на еден злогласен клуб пристигнуваат младиот рокер Дру, кој е во потрага по успех, и Шери, провинцијалка која трча по своите сни, не се знае до каде ќе ги однесе нивната амбиција. Нивната рокенрол романса е раскажана преку хитовите на Деф Лепард, Форинер, Џурни, Бон Џови, Џоен Џет, РЕО „Спидвегон“, „Твистет Систер“ и други. Во филмскиот мјузикл настапуваат Џулиен Хоу, како и актерот/пејачот Диего Бонета, во своето филмско деби, заедно со Расел Бренд, Пол Џијамати, Кетрин Зета-Џонс, Малин Акерман и кралицата на ритамот и блузот, Мери Џ. Блиџ, како и Алек Болдвин и Том Круз.