Пронаоѓањето на лагата

Содржина

„Пронаоѓањето на лагата“ се одвива во една алтернативна реалност во која лажењето, па и самиот концепт на лагата, не постојат. Сите, од политичари до рекламни агенции, до обичните мажи и жени на улица, ја зборуваат само вистината, без да помислат на последиците. Но, кога еден губитник по име Марк Белисон (Рики Џервејс) ненадејно ја развива способноста да лаже, тој открива дека нечесноста си носи свои предности. Во свет каде се претпоставува дека секој збор е апсолутна вистина, Марк лесно успева преку лаги да стекне слава и богатство. Но, лагите имаат свој начин на ширење, па Марк почнува да сфаќа дека работите излегуваат од контрола кога некои од неговите најголеми „приказни“ почнуваат да се сфаќаат како Евангелие. Иако сега целиот свет се „фаќа“ за секој негов збор, постои една единствена работа која Марк не успева да ја добие со лажење: срцето на жената која ја сака.