Авалон

Содржина

Третиот автобиографски филм на режисерот Бери Луисон од „Балтиморската трилогија“(првите два филма беа „Вечера“ и „Луѓето од калај“), „Авалон“, покрива речиси четириесет години од животите на едно семејство на еврејски емигранти. Сем Кричински (Армин Мелер-Штал) емигрира во Балтимор во 1914 година, каде браќата на Сем, Габриел (Лу Џејкоби), Химни (Лео Л. Фухс) и Нејтан (Израел Рубинек) го чекаат неговото пристигнување. Со тек на времето, Сем ја запознава својата идна сопруга, Ева (Џоен Плаурајт). Кога се појавува возрасниот син на Кричински, Џулс (Ајдан Квин), филмот започнува да се одигрува во земјата каде постои судир на културите. Без желба да стане физички работник како татко му, Џулс одбира живот на продавач од врата на врата. На крајот, тој се здружува со својот братучед Изи (Кевин Полак) за да ја отвори првата продавница за телевизори во Балтимор. Потоа, распадот на семејството Кричински се случува истовремено со развојот на телевизиската сеприсутност во американскиот дом. Елегичниот и меланхоличен ефект на Авалон е надополнет со прекрасната музика на Ренди Њуман.