Џон Картер

Содржина

Од режисерот добитник на „Оскар“, Ендру Стентон, пристигнува „Џон Картер“, акционо-авантуристички филм, врз основа на класичниот роман на Едгар Рајс Бароус, кој се одвива на мистериозната и егзотична планета Барсум (Марс). Филмот ја раскажува приказната за поранешниот воен капетан Џон Картер, кој необјасниво е пренесен на Марс, каде што неволно се вмешува во конфликт од епски размери, а кој се води меѓу жителите на планетата, вклучувајќи ги Тарс Таркас и заробената принцеза Деја Торис. Во свет кој е пред распаѓање, Картер повторно ја открива својата човечност кога сфаќа дека опстанокот на Барсум и на неговите жители лежи во неговите раце.