Содржина
„Потомци“ се одвива во Хаваи и го прикажува непредвидливото патување на едно американско семејство кое се наоѓа на крстопат. Мет Кинг (Џорџ Клуни) е сопруг и е татко на две девојчиња, а мора да го преиспита своето минато и да ја контролира иднината кога неговата сопруга е сериозно повредена во една бродска несреќа во близина на Ваикики. Тој на чуден начин се обидува да го поправи својот однос со ќерките, 10-годишната интелигентна Скоти и бунтовната 17-годишна Александра, борејќи се со одлуката да ја продаде земјата на своето семејство. Семејството Кинг од хавајската аристократија и од мисионерите наследило дел од последните недопрени парцели на тропските плажи на островите. Кога Александра го открива шокантниот факт дека нејзината мајка имала романтична врска во периодот кога се случила несреќата, Мет почнува да развива целосно нов поглед кон својот живот и своето наследство, во една недела полна со клучни одлуки. Заедно со девојчињата, тој тргнува во неизвесна потрага по љубовникот на својата сопруга. По пат, доживува смешни, проблематични и чудни средби преку кои сфаќа дека конечно може повторно да го изгради својот живот и да го зачува своето семејство.