Хартиен човек

СОДРЖИНА

„Хартиен човек“ е инспиративна хумористична драма за чудното пријателство помеѓу Ричард (Џеф Даниелс), неуспешен средовечен писател кој никогаш не пораснал, и Аби (Ема Стоун), 17-годишна девојка чија улога во една семејна трагедија пред повеќе години, ја украла нејзината младост. И двајцата се несигурни, и двајцата се плашат да исчекорат напред, а и двајцата го бараат посебниот пријател кој ќе им помогне да се насочат кон иднината. Уште од детството, Ричард најмногу се потпира врз имагинарниот човек кој живее во неговата глава - маскираниот супер херој познат како Капетан Екселент (Рајан Рејнолдс).
Поттикнат од својата сопруга, Клер (Лиса Кудроу), Ричард се сели во една крајбрежна заедница на Лонг Ајленд во зимската сезона, за да ја преброди својата креативна блокада. Таму, Ричард се среќава со Аби и ја најмува како бејбиситерка, иако тој нема деца. Нивното лабилно, ново пријателство започнува со одушевувањето на Ричард од домашната супа на Аби и уживањето на Аби во пишаните материјали на Ричард и неговите обиди да направи оригами. Како што минува зимската сезона и топлото, необично пријателство помеѓу Ричард и Аби се зацврстува, тие двајца почнуваат меѓу себе да ги споделуваат своите сништа и животни тешкотии. Со доаѓањето на пролетта, Ричард и Аби откриваат дека доаѓа време да ги остават имагинарните пријатели од минатото и да ја прифатат иднината како нов почеток, баш така како што некој би прифатил ново и уникатно пријателство.