Адамово васкрснуќе

Содржина

Во 1961. година, Адам Штајн е харизматичен пациент во психијатриската болница во Израел, во која се лекуваат преживеани од холокаустот. Тој е способен да ги чита мислите на другите и ги остава без зборови лекарите во болницата предводени од докторот Натан Грос. Пред војната, Адам бил забавувач во кабаре во Берлин, сопственик на циркус, магионичар и музичар кого го сакала и обичната публика и нацистите, сѐ додека не се нашол во конц-логорот каде што наредбите ги издавал командантот Клајн. Жената и ќерката на Адам биле испратени во смрт, но тој успеал да го преживее логорот на тој начин што се претворил во „куче“ на командантот. Сега во болницата во Израел, тој насетува присуство на „куче“ и го пронаоѓа момчето пораснато во подрум и оковано во синџири. Адам и момчето се препознаваат еден со друг и започнува нивното патување.