Кралот лав

Содржина

Еден од најпопуларните анимирани мјузикли на Дизни, „Кралот лав“ ја претставува приказната за созревањето на едно лавче и за прифаќањето на неговата кралска судбина. Симба го почнува животот како принц, син на моќниот крал Муфаса. Среќното детство на лавчето станува трагично кога неговиот злобен вујко Скар го убива Муфаса и го брка Симба од кралството. Во прогон, младото лавче се спријателува со комичната двојка, дивата свиња Пумба и меркатот Тимон, па живее безгрижно во џунглата. Сепак, кога пораснува, него го посетува духот на татко му, кој му вели да го порази злобниот Скар и да се врати на престолот што му припаѓа. Со елементи од „Хамлет“, од класичната митологија и од африканските народни приказни, „Кралот лав“ ја раскажува приказната за созревањето со комбинација од спектакуларна анимација и прекрасна музика, со лесни ритмички песни од Елтон Џон и од Тим Рајс, како и со дело од Ханс Цимер.